Kvalmaten UB, ei elevbedrift frå Fitjar vgs, vann tredjepris i kategorien "Jord-fjord-bord" i årets NM for elevbedrifter på Gardermoen i Oslo.
Tysdag 03. mai vart årets NM for elevbedrifter arrangert av Ungt Entreprenørskap, ein idell, landsomfattande organisasjon som saman med utdanningssystemet, næringslivet og andre aktørar arbeider for å utvikla barn og unge sin kreativitet, skaperglede og tru på seg sjølv. 11.000 elevar i Noreg har delteke i årets UB-konkurranse, og i finalen i NM var det 82 deltakarbedrifter med frå heile landet.
Kvalmaten UB er ei elevbedrift som lagar mat av kvalkjøt, og ho består av elevar på vg2 kokk- og servitør på Fitjar vgs: Kristine Sæbø Nilssen, Azeb Kidana, Iver Emil Simonsen, Markus Jakobsen, Denny Kjerevik og Vetle Almås Rege. Foretningsideen sin har dei formulert slik: «Me vil bringe gamle smakar tilbake med ein moderne vri. Kvalkjøt i dag er både etisk og berekraftig».
I grunngjevinga frå juryen står det følgjande: «3. plass går til en gruppe elever som har blåst liv i gamle tradisjoner med et nytt og spennende produkt. Gruppen har et tydelig bærekraftfokus, og har laget et velsmakende produkt basert på en ressurs som i dag ikke blir utnyttet til sitt fulle potensiale. Bedriften består av dyktige elever som har tilegnet seg stor fagkompetanse og som er opptatt av hygiene og sikkerhet både for seg selv og kunden. Juryen gir dem et pluss for å ha stort fokus på HMS.»
